201 Smári

201 Smári er þróunar- og uppbyggingarverkefni á svæði sem áður var óbyggt sunnan við Smáralind í Kópavogi. Byggðir hafa verið um 84.000 fermetrar af íbúðar- og þjónustuhúsnæði, þar af 675 íbúðir auk bílastæða í bílakjöllurum. 201 Smári er hluti af nýju miðsvæði í Kópavogi sem býr yfir þeim kosti að öll þjónusta er í næsta nágrenni, s.s. verslanir, heilsugæsla, afþreying, veitingastaðir, skólar og íþróttaaðstaða, en jafnframt er gott aðgengi að stofnbrautum.

Verkefnið er á lokastigum og síðustu íbúðirnar eru í sölu. Klasi vann að verkefninu í heild sinni, allt frá deiliskipulagsvinnu að sölu íbúða.

Markmiðið með verkefninu var að reisa áhugaverða og fallega byggð sem yrði eftirsóknarverður búsetukostur fyrir alla aldurshópa. Sérstök áhersla var lögð á vistvænar lausnir, gott aðgengi og tengingar við aðliggjandi svæði, fjölbreytt íbúðarform, opna græna garða og aðlaðandi yfirbragð byggðarinnar.

Verkefninu er stýrt af Klasa sem er jafnframt eigandi ásamt fleiri fjárfestum.

Sjá nánar á: http://www.201.is